李松蔓貼泳裝晒身材 洪永城以胸肌同腹肌搶鏡

130
閱讀全文

雖然依家天氣涼咗好多,但對藝人嚟講氣溫從來唔會影響拍攝,冬天拍落水戲,夏天着羽絨都係小菜一碟。經常貼相晒身材嘅無綫藝人李松蔓(前名李天縱),呢日拍攝緊新劇《黃金有罪》有場沙灘場口,就喺社交網分享花絮,見佢同姚子羚、洪永城、何廣沛、吳沚默、鄧以婷等去咗沙灘拍攝,成班女仔以復古泳裝上陣相當養眼,李松蔓嘅「胸器」直頭令大家喺涼風中都覺得㷫合合!亦有新晉《三日兩夜》女神鄧以婷,不過都不及李松蔓搶鏡。而着恤衫嘅洪永城就「中門大開」,以胸肌同腹肌搶鏡!

劉芷希、鄧以婷、李松蔓、吳沚默以70年代泳裝拍攝《黃金有罪》。

劉芷希、鄧以婷、李松蔓、吳沚默以70年代泳裝拍攝《黃金有罪》。

套劇背景喺70年代,所以個個造型都好懷舊同復古,洪永城、姚子羚、何廣沛、何遠東等造型夠娘,仲有飾演夜總會舞小姐嘅四美李松蔓、吳沚默、劉以婷同劉芷希都要着懷舊款嘅泳衣。何廣沛、何遠東都戴住假髮,加埋身上土氣十足嘅泳衣造型,十分搞笑。佢哋影合照時,仲鬥晒膊同晒肉。講到晒肉,當然係四美嘅泳衣照最有睇頭,雖然一日內又凍又熱,不過佢哋好享受晒身材。

洪永城、何遠東、何廣沛亦有同場,但當然冇一班女角咁搶鏡啦。

李松蔓留言:「今日體驗70年代香港嘅泳裝❤係唔係好有時代感,極冷極熱,都在一天中經歷…」真係要小心啲唔好冷親呀!