【又出軌?】鄭俊弘白恤衫留線索 疑瞞住何雁詩峇里攬啜性感女模

503

現年35歲的鄭俊弘(Fred)曾被封「世紀賤男」,前年被爆背住富貴未婚妻Beebs,暗撻26歲的同門師妹何雁詩令形象插水。Fred一度遭公司雪藏,而何雁詩則不堪被冠「小三」之名,令壓力爆煲,傳曾經飲酒自殘後割脈送院。二人雖然屢傳「分」訊,但何雁詩強調︰「我哋super OK!」又指被男友視作公主。

人前恩愛,但Fred似乎媾女性格難改。日前有一名匿名爆料人,聲稱Fred於去年8月疑以「偷食」!爆料人指他去年8月尾去峇里參加完朋友婚禮後,到當地一間酒吧夜蒲,其間認識一名叫BeBi的女子,二人火速搭上,在夜店內激咀,還被朋友放上Ig story。

相中見穿上白色恤衫的Fred與大班朋友到夜店耍樂,當中有男有女,另一張相見到一男子疑與一女子激咀。男的背住鏡頭,但看不到樣貌,但相中男子身穿白的恤衫和髮型,跟Fred造型頗相似,而下面則寫着女的名字BeBi。爆料人聲稱﹕「聽講係當日婚禮完咗之後,佢哋成班人去當地酒吧蒲,鄭俊弘就喺嗰度識咗個女仔,一齊玩咗幾日。」在BeBi的Ig上見到不少性感相,在個人資料欄上,她報稱是時裝模特兒,會為男性雜誌拍攝性感內衣及泳衣照,勁晒34D火辣辣身材!而她亦曾獲「15 Top Miss Popular DJ Hunt 2017」。

在峇里旅程中,Fred真是很受女孩子歡迎,一個人坐在泳池邊,即引來數名靚女埋身傾偈,及要求影合照。而Fred又與一班男性友人穿上七彩顏色的貼身衣,似乎是要扮「任何仁」玩不同體位的遊戲。

一直被蒙在鼓裏的何雁詩則繼續在社交網放閃,日前便在Ig story上載與Fred合唱短片,超sweet!而Fred獨唱時,何爸爸更像小fans般,為Fred用手機打燈營造氣氛。

何雁詩今日回覆傳媒說﹕「hi! 相片中錫女仔的唔係佢(Fred)之前已經有唔識嘅人send過呢d相畀我,大家有溝通過,唔擔心,我相信佢。」