大台小生被爆同落選港姐拍拖 網民:佢真係專嗒女神! 

692
大台藝人要拍拖好多時都收收埋埋,太高調隨時俾人雪藏咗都唔知咩事。31歲的大台新咪神阮兒,早年憑《愛.回家》彈起,之後又不時在節目中大騷35C身材索爆身材,近年屢傳與「譚詠麟愛將」衛志豪撻着!不過兩人一直未有承認。其實衛志豪多年來都同過唔少索女藝人傳緋聞及拍拖,所以話男人唔一定要好靚仔,但口才好緊要!

衛志豪拍《同盟》撻著阮兒

一個係有線過檔娛樂主持、一個係06年落選港姐,本來大纜都扯唔埋,多得余詠珊出手幫愛將一把,衛志豪拍《同盟》時遇上身材火爆、個性亦主動的阮兒,而阮兒亦抵不過衛志豪一貫口甜舌滑細心體貼,火速撻著,知情者爆:「嗰時佢哋各自有男女朋友,阮兒仲講到想嫁,點知愈玩愈埋,當自己另一半冇到,無耐就行埋咗一齊,呢段複雜關係維持咗一段時間。」

去年衛志豪只敢帶阮兒出席明星足球隊長輩級成員聚會,當見家長。本來阮兒事業剛起步、衛志豪亦剛剛加入戲劇組,二人有默契低調處理,奈何以阿倫譚詠麟為主明星足球隊成員及晨曦班主周文曦一班老友當正阮兒「弟婦」,不慎洩露「家庭照」,令二人親密關係通晒天。

去年8月周文曦太太、前無綫藝人崔嘉寶生日,又係同一班人腳飯聚切蛋糕,拍拖半年,阮兒一早被阿倫、志偉等人當正係弟婦,大家一家咁對待。

衛志豪2000年加入有線電視成為娛樂新聞主播,雖然星運麻麻,但靠把口同交際手腕,猛料圈中好友反而大把,其中同譚校長老友鬼鬼,已經唔簡單啦!

至於06年落選港姐阮兒係中越混血兒,自幼隨家人往荷蘭定居,所以有鬼妹仔性格,同屆三甲陳陳茵媺、周家蔚、呂慧儀紛紛嫁埋上埋岸,唯獨 阮兒 浮沉8年,曾同當時同樣冇乜名氣的楊明拍過拖,直至14年參演《愛‧回家》做羅天宇老婆才開始入屋,最出名係不吝嗇34.5C好身材,成為無綫新咪神,不時在IG晒水著照。其實兩位都遲起步,又難怪拍拖要收埋先。

阮兒不時都派福利照益網民!

現任女友阮兒固然樣靚身材正,但其實衛志豪多年來都同過唔少索女藝人傳緋聞及拍拖,所以話男人唔一定要好靚仔,但口才好緊要!

|歐綺霞

首先係當年有「有線之花」稱號的歐綺霞(Monique) ,有靚樣有身材,喺有線做主持時有唔少粉絲,仲同過唔少紅星藝人拍過MV!衛志豪1995年時與歐綺霞相戀逾七年,不過最後都係以分手告終。歐綺霞早年嫁咗俾一位生意人老公,現時過住幸福少奶奶生活。

李珊珊

2006年時,李珊珊與錢嘉樂傳分手的新聞鬧到熱哄哄,當時衛志豪被發現不時陪伴在李珊珊左右,包括頻頻相約睇波及結伴夜蒲等,衛志豪更被指為導致李珊珊錢嘉樂最終分手的第三者。

1996年港姐冠軍李珊珊,擁有36E逼爆上圍及非常優美的身體曲線,可算是一代性感女神,不過近年已經淡出娛樂圈,甚少出席公開活動,更有傳佢患有腦瘤。

陳嘉桓

去到2013年,衛志豪被指與年輕17歲的陳嘉桓撻著,兩人被指到韓國拍攝節目《 快樂地球》時擦出愛火,兩人當時更以「皇上」、「皇后」互稱,不過陳嘉桓一直堅持兩人只係朋友關係。

現年25歲的陳嘉桓樣子甜美,擁有176cm身高及豐滿上圍,外在條件一流!

不過陳嘉桓最近發福唔少,剪短頭髮令包包面更突出,咩雙下巴、副乳通通出晒嚟,似乎真係要諗諗計修身!


駱文捷

唔單止娛樂圈中人,衛志豪同新聞主播都似乎好friend!衛志豪早年同無綫新聞小花駱文捷傳過緋聞,不過雙方都未有回應,緋聞好快不了了之。

 

駱文捷現時已離開無綫,轉任市場推廣及公關,去年更與任職總督察的老公拉埋天窗。