王浩信細佬加入娛樂圈!29歲王瑋彤靠自己爭取演出機會

568

話說,上星期六劇集《荷里活有個大老千》大結局,結局嘅尾段講電影城變成電視台,唔知大家有冇留意到電視台司儀好似熟口熟面咁呢?其實嗰位就係王浩信嘅細佬王瑋彤(Tony)!

 

今年29歲嘅王瑋彤(Tony)身高6呎2,無論係高度定抑或係外表都同哥哥王浩信有8、9成相似!雖然兩兄弟都係喺美國讀大學返香港發展,王浩信讀設計,而Tony讀商科,不過明顯雙方暫時嘅星途都有啲距離。

王瑋彤

王瑋彤兩兄弟餅印咁似!

大學畢業後嘅Tony因為唔鐘意返朝9晚5嘅工作,又見哥哥喺娛圈打滾得唔錯,於是決定把心一橫兼有樣學樣跟哥哥入娛圈一試,決定做演員。

圖像中可能有1 人

為咗唔想俾人話佢靠哥哥上位,近年Tony繼續憑自己努力獲得劇集角色,雖然只係做配角,但都唔會放過任何一個演出機會!據知,哥哥王浩信好支持細佬入行,但就決唔會出面幫細佬拉關係,因為想Tony靠自己做到成續出嚟。