老公出軌?前TVB花旦懶理婚變傳聞,約好姊妹去韓國度假

582

2011年淡出娛樂圈嘅前TVB花旦洪欣,雖然多年嚟已經有作品面世,但不時都會出席公開活動,以及更新社交網站與廣大網民分享自己嘅生活點滴。對于好多粉絲嚟講,洪欣曾經系一代女神,事關后生嗰陣嘅佢,真系好驚艷!

呢排,洪欣又現身社交網站曬出幾張美照,原來佢較早時相約咗一班「姊妹淘」出埠飛去韓國首爾度假旅行,喺「姊妹淘」嘅團友中,我哋仲見到咗前亞視花旦陳法蓉,瞬間勾起唔少網民嘅回憶。見洪欣全程素顏上陣,依然系好靚女,不愧系一代女神。

據悉,較早前洪欣嘅老公張丹峰,畀媒體指與經紀傳出緋聞,令到已經息影多年嘅洪欣再次成為外界嘅關注焦點。

不過,雖然各大八卦報道都講到似層層,但事實永遠勝于雄辯,清者自清。睇見相中洪欣與一班好姊妹玩得好開心,就知道佢懶理所謂嘅婚變緋聞,根本冇擺喺個心度。

現年49歲嘅洪欣,喺1990年獲引薦入行,投身娛樂圈發展嘅佢,星運比好多新人都好,一出道就獲得嘗試接拍多部戲同電視劇,比如《魔刀俠情》同《原振俠》等,令佢人氣同知名度急升,形象入屋。

洪欣曾經簽約喺TVB旗下,主力拍劇,喺無線期間,亦參演過多部劇集,包括《如來神掌再戰江湖》、《少年五虎》、《新同居關系》、《箭俠恩仇》、《末世時速(下)之終極巡洋》以及《功夫足球》等。除此之外,仲參演過唯一部亞視劇集《縱橫四海》。

2000年,洪欣嘅演藝事業如日中天,卻未婚先孕,為莫少聰誕下兒子莫鎬廉,可惜二人之間嘅恩怨情仇一匹布咁長,橫掂莫少聰由始至終都唔肯認莫鎬廉系自己親生仔,咁令洪欣對佢心灰意冷,決定以單身媽媽撫養兒子,并同莫少聰一刀兩斷。

2009年,洪欣與比自己后生十歲嘅內地演員張丹峰正式結為夫婦,兒子莫鎬廉亦改姓跟老公姓張,并改名為張浩鋒。

2014年,洪欣又為張丹峰誕下一位小公主,并改名為張晞彤。自此之后,一家四口嘅生活過得其樂融融,洪欣亦懶理外界嘅流言蜚語。