張智霖家燕姐Poster被惡搞,變做XXX代言人?

299

近月電視不時都會播住有關換領全新智能身份證嘅廣告片,提醒唔同年份嘅人士可以開始換證。片段中以張智霖 (Chilam)、薜家燕「家燕姐」做主角,同時提醒大家可以帶同65歲或以上嘅長者一同換證。

本身廣告片上嘅畫面都正正常常,都只係宣傳換全新身份證。

https://upload.cc/i1/2019/03/26/ZNASiD.png

用形象大使身份出席宣傳活動嘅相:
https://upload.cc/i1/2019/03/26/YARLSO.png

但其中一張宣傳海報就被改成宣傳正確使用安全套嘅海報呢!標題寫上「與伴侶性行為前 記得使用安全套」,左上角嘅「智能身份證」標誌被換成「家計會」,兩人各自手持嘅智能身份證又被換上十分貼題嘅安全套。

小編認為呢一張係一張高質改圖,其實身份證果個位大可以改成紙巾、食物或者其他都係方形又細細件嘅物件,但又會聯想到安全套,但又出乎地配合到成件事。應該都係同Chilam、家燕姐有一個差距有關,一個47歲、一個68歲,加上佢地曾經喺經典劇集《十月初五的月光》中飾演母子,就令人有所聯想,但成件事係玩味具多!如果換成一個少女同Chilam拍攝呢個廣告的話,成件事自然就無咗份趣味喇!