索媽陳凱琳iPad胸狂升Cup 網民:目測至少D奶!

813

喺情人節生咗囝囝Rafael嘅陳凱琳(Grace),日前佢以一襲貼身背心裙打扮出席眼鏡店嘅開幕活動,唔少媽媽都怕生完BB後身材會走樣,但Grace唔單止冇走樣,生完不久的她已火速收身,上圍更愈見豐滿,有網民仲話「目測至少D奶」!點都好,學Grace話齋,最緊要BB食得飽同夠健康!

 

索媽陳凱琳 收身唔收奶

陳凱琳接受訪問時透露目前餵人奶,有記者話佢上圍勁升CUP,Grace笑言唔想大家焦點落喺呢度,而佢都冇量度過自己升咗幾個cup,仲話:「最重要BB食得好,佢每次都好滿足」啱聽呀!

陳凱琳
餵緊人奶嘅陳凱琳成功修身,但上圍狂升CUP,名副其實嘅收身唔收奶!

陳凱琳

囝囝請飲童子尿

問會否追多個?Grace坦言有同老公鄭嘉穎傾過,兩夫婦都想,但暫時會等兒子1歲後才開始追第二胎。佢又話湊BB係每天都有新事物要學習,好似BB有胎毒都係好常見,但都要陪月員教佢用金銀花或芫茜幫BB沖涼。Grace又透露老公鄭嘉穎都好錫BB,仲大爆之前幫囝囝換尿片期間,企旁邊嘅老公畀囝囝射中咗。

陳凱琳
有記者笑問Grace習唔習慣澎湃的身材?她笑說:「冇諗咁多,最緊要是BB健康,吸收到足夠嘅營養。」

她又透露已逐漸復工,但以綜藝節目為主,暫不接拍劇:「拍劇遲啲先,想多啲時間照顧BB,佢日日長大都唔同,唔想錯過任何一個改變,所以做啲輕鬆嘅嘢先。」

圖片來源:17xbe7m1y IG

素顏都咁靚

陳凱琳選港姐時期好瘦好骨感,但自從升呢做人妻後愈來愈飽滿,唔少人都話佢肥咗又靚咗!而早前Grace生完BB後朋友們輪住去佢屋企探佢兩母子,著住屋企衫嘅Grace素顏同友人合照,網友都大讚佢唔化妝都咁靚,不愧為香港小姐!

睇番之前剛榮升媽咪的Grace上圍因「谷奶」而升Cup,談到榮升人母的心情,當時Grace說:「那種感覺很開心,望BB個樣,覺得陀足10個月都值得。 」追問可會盡快追多個?她表示慢慢來,要先照顧好兒子。

陳凱琳
問到老公有何獎勵?陳凱琳話:「佢真係問我要乜,其實個BB大家都有付出,佢亦推掉所有工作陪我坐月。」
陳凱琳
陳凱琳又話鄭嘉穎有入產房陪佢分娩,仲親手剪臍帶:「佢無驚慌,反而好興奮,我有少少緊張,始終係第一次生B。」

回顧佢選港姐嘅泳裝照,嗰陣平平無奇,同依家生完BB嘅上圍嘅cup數相比,明顯升幾cup呀!