【安心偷食】黃心穎許志安偷情事件 竟然仲搞著呢三個人?

822

馬國明女友黃心穎同鄭秀文老公許志安今日被爆雙雙出軌,長達16 分鐘喺疑似的士式UBER 偷情激咀嘅片段被公諸於世。大家見到真係嘩一聲!

Image result for 黃心穎 許志安

除咗鬧爆黃心穎同許志安外,都有唔少人去到鄭秀文同馬國明嘅社交媒體賬號留言,好多都力撐都戥佢哋唔抵!不過除咗呢四個主角,竟然有三個完全唔開事嘅人牽連入到事件到!一齊睇下係點解啦!

Image result for 黃心穎 馬國明Image result for 許志安 鄭秀文

  1. 黃心美

    新聞一出,黃心穎INSTAGRAM嘅留言功能停哂,FACEBOOK又無埋,網民無地方鬧佢,結果就去家姐黃心美嘅INSTAGRAM 留言,叫佢教下自己個啊妹。不過,有其他媒體訪問黃心美,佢聽到妹妹同許志安偷情,係回應: 「咩話?許志安?」睇黃心美嘅反應都唔知情,但就被捲入事件入面。

2.蔡一智

黃心穎自港姐入行後,一路都被指同蔡一智係失散兄妹,今次事件有網民喺蔡一智INSTAGRAM 留意鬧佢,睇嚟大家都真係唔識分黃心穎同蔡一智喇!

Image result for 蔡一智黃心穎

蔡一智得7千幾個FOLLOWERS,明星嚟講真係唔多人追蹤,不過唔知好彩定唔好彩,搞著佢令到多咗人睇佢INSTAGRAM,  順便可以宣傳下個演唱會。

3. 杜德偉

黃心穎、蔡一智似係失散兄妹,咁啱許志安、杜德偉又係撞哂樣。所以杜德偉又因為事件,令俾人搞著喇!

Image result for 杜德偉 許志安