黃文廸離婚之後首度現身,一問到呂慧儀就……

435

前港姐呂慧儀(長腳蟹)喺今年3月宣布同黃文迪結束7年婚姻之後,好快收拾心情投入工作,仲不時出席大小小嘅聚會,不過一個女人仔總有孤獨嘅時候。

黃文廸畀傳媒踢爆與短發女喺巴士車廂內偷啜,之後一直潛水避免見人。

神隱咗4個月,尋日晚上6點,黃文廸獨自離開天水圍寓所,著上黑衫黑褲,但明顯發福,樣貌亦有D腫。

黃文廸得知有記者采訪,即刻一面愕然,急步前行。

被問到知唔知道前妻呂慧儀與劇中拍檔張景淳拍拖?

佢禮貌噉話:「Sorry,thank you.」再追問有冇聯絡前妻,佢當聽唔到,超快步行好似跑步一樣,極速逃跑,入咗屋苑個商場內,好快就消失喺人群之中。

呂慧儀與黃文廸同囝囝蟹籽,原本一家三口居住喺天水圍嘉湖山莊,但離婚之後,呂慧儀兩母子已搬出,并返回娘家。

據悉,呂慧儀其實係小富婆,老竇呂良平做云石生意,又專門炒屯門樓,梗係有帶挈阿女。有傳高峰期,呂慧儀同老竇呂良平、阿媽黃清良,一家三口經常聯名入市,曾經先後買入七個物業,當中除咗一個九龍灣德福花園單位之外,其余都喺屯門區,包括兩個工業大廈同四個住宅單位。

而呂慧儀同父母同住屯門區,蟹籽平時就由婆婆照顧,亦方便呂慧儀去探望。