32D張秀文同羅仲謙拍新劇 斜咩袋訓身演出錯重點

198

藝人羅仲謙、張曦雯(Kelly)及張秀文昨日拍攝新劇《木棘證人》,劇情講述秀文遭男友家暴,滿面瘀傷地拉着行李離開,怎料差點被車撞,幸得舊愛羅仲謙收留,她即向對方投懷送抱,令現任女友Kelly不是味兒。

   

 

問到現實中有否試過扮慘箍煲?她笑說:「我好少用呢種方法,因為我個人比較講邏輯,會用短訊寫前文後理去解釋,但我發覺唔Work,只會令件事更差,所以我要喺劇中學習吓,做啲女人啲嘅方法。其實如果鬧交,而我知自己錯嘅話,我會認錯,我係知錯能改嘅人,只係好多時都唔知自己錯啫!哈哈!」

 

 

           

又表示不曾被男友暴力對待:「但男仔有時會用掟嘢同打牆去發洩情緒,都會嚇親。(打男友出氣?)冇,平時工作要太多精力,返到屋企都冇力。」